Jennifer Aniston: Kam frikë nga uji

Jennifer Aniston ka zbuluar se ka frikë nga zhytja në ujë dhe se kjo gjë ka bërë që një skenë e thjeshtë në pishinë për filmin e saj të fundit ‘Cake’ të xhirohej plot 30 herë.

Aktorja e famshme tha se kjo frikë i ka lindur nga një episod në fëmijëri.

“Kam shumë frikë të qëndroj poshtë ujit, tmerrohem. Kam qenë fëmijë kur rashë në pishinë bashkë me triçiklin tim. Që nga ajo kohë unë kam frikë të zhytem në ujë, por askush nuk më beson”, tha 45-vjeçarja për ‘E’.

Aniston shtoi se ky incident bëri që skena e saj e pishinës në filmin ‘Cake’ të xhirohej 30 herë para se regjisori të mbetej i kënaqur.