Jennifer Lopez dhe Brett Goldstein rikthejnë dyshimet për romancë

Jennifer Lopez dhe aktori Brett Goldstein janë sërish në qendër të vëmendjes, pasi u panë së bashku në një festë ekskluzive në Los Anxhelos, duke rikthyer zërat për një lidhje të mundshme mes tyre.

Sipas raportimeve të Page Six, dyshja mori pjesë në festën e organizuar nga Cade Hudson më 16 tetor. Edhe pse thuhet se mbërritën dhe u larguan me të njëjtën makinë, Lopez dhe Goldstein u kujdesën të hynin në event veçmas.

Dyshja, të cilët luajnë së bashku në komedinë romantike të Netflix, Office Romance, kanë qenë prej kohësh objekt i thashethemeve për një lidhje dashurie.

Më herët gjatë këtij viti, Page Six raportoi ekskluzivisht se dy aktorët ishin përpjekur ta mbanin marrëdhënien profesionale gjatë xhirimeve, por kimia mes tyre ishte e dukshme.

Sipas një burimi të cituar nga media, dyshja kishte flirtuar herë pas here në sheshxhirim dhe ishte afruar veçanërisht gjatë festës që shënoi përfundimin e xhirimeve.

Burimi pretendoi se Lopez dhe Goldstein kishin nisur të takoheshin pasi përfunduan punën për filmin, duke shtuar se marrëdhënia e tyre kishte zgjatur për një periudhë kohe, përpara se gjërat të shuheshin gradualisht.

Megjithatë, sipas të njëjtit burim, mes tyre nuk ka pasur konflikte dhe dy aktorët kanë ruajtur një marrëdhënie të mirë miqësore.

“Ata kishin një tërheqje të fortë fizike, por menduan se ishte më mirë të mbeteshin miq”, thuhet në raportim.