Jo vetëm Vicario, portieri i ri i Interit mund të vijë nga La Liga. Zbulohet plani i zikaltërve

Duke qenë se Yann Sommer do të largohet në verë si lojtar i lirë, Inter është i detyruar të transferojë me patjetër një portier të ri për sezonin e ri.

Deri tani emri që është përmendur më shumë është ai Guglielmo Vicario, por italiani nuk është i vetmi. Mediet italiane kanë zbuluar një tjetër pistë që po ndjekin drejtuesit zikaltër. Bëhet fjalë për Andriy Lunin, portierin ukrainas të Real Madridit, i cili nuk ka arritur dot të fitojë vendin e titullarit, për aq kohë sa madrilenët kanë ende një nga më të mirët në botë si Thibaut Courtois.

Në anën tjetër, Inter po kërkon një portier konkurrues për një projekt afatgjatë dhe Lunin duket se një alternativë shumë bindëse. Ukrainasi është nën kontratë me klubin madrilen deri në vitin 2030. Vlera e tij në treg aktualisht është 15 milionë euro, sipas Transfermarkt.