Juventus, 3 trajnerë në 2 vite pa përmirësim real. Ja pikët e Motta, Tudor dhe Spalletti

Juventusi e mbylli Serie A 2025/26 në vendin e gjashtë, jashtë Champions League. Tre trajnerë dhe dy sezone, por sipas numrave, asnjë kthesë e vërtetë në rezultate pozitive nuk është parë.

Luciano Spalletti, i cili zëvendësoi Igor Tudor pas 9 javësh kampionat, ka grumbulluar 54 pikë në 29 ndeshje (15 fitore, 9 barazime dhe 5 humbje), me një mesatare prej 1.86 pikësh për ndeshje.

Një vit më parë, Thiago Motta u shkarkua pas 29 ndeshjesh, kur kishte grumbulluar 52 pikë (13 fitore, 13 barazime dhe 3 humbje), me mesatare 1.79 pikë për ndeshje.

Tablon e plotëson Igor Tudor, i cili e kishte marrë drejtimin bardhezi pas shkarkimit të Motta dhe më pas nisi edhe këtë sezon: 17 ndeshje mes dy edicioneve me 30 pikë (8 fitore, 6 barazime dhe 3 humbje), me mesatare 1.76 pikë për ndeshje.