Kapen 2.7 mln euro kokainë e fshehur në gaz për të ardhur në Shqipëri
Një sasi rekord kokaine, e cila në tregun e zi do të kapte vlerën e 2.7 milionë eurove është kapur nga autoritetet doganore në Freeport të Maltës. Në total janë 24 kokainë që janë gjetur brenda një kontejneri me gaz, që u skanua nga Njësia e Kontrollit të Doganave.
Droga u gjet në njësinë e kompresorit të ftohësit. Më i bujshëm është fakti se kontejneri kishte destinacion Shqipërinë, ndërsa ishte nisur nga Amerika Jugut.
Vetë Dogana e Maltës në një postim në Facebook ka konfirmuar se destinacioni i kokainës ishte Shqipëria, ndërsa “Malta Today” shkruan se droga do të zbarkonte në Tiranë.
“Indipendent” shkruan se droga ishte e ndarë në 20 pako me peshë totale 24 kg, vlera totale e së cilës në treg ishte 2.7 milion euro.
“Operacioni i sotëm është një tjetër shfaqje e bashkëpunimit të Departamentit të Doganave, Policisë dhe autoriteteve në Freeport. Niveli i tillë i bashkëpunimit është një faktor përcaktues në krijimin e Freeport Malta si një nga portet më të sigurta në rajon,” thotë Departamenti i Doganave të Maltës.
Në vetëm 14 javë të 2019-ës, departamenti doganor në Maltë ka tejkaluar rezultatet e zbulimit të drogës, duke kapur 515.2 kg kokainë.
