Këta sillnin votues nga Dragashi dhe Pusteci në Maqedoni

Kryetari i komunës së Pustecit të Shqipërisë, Edmond Temelko dhe inspektori i policies maqedonase Munir Pepiq, dyshohen si autorët e manipulimeve me votuesit e importuar nga Shqipëria dhe Kosova në Maqedoni, shkruan portali Dokaz.

Sipas këtij portali, Temelko dhe Pepiq janë në mesin e të dyshuarve nga Prokuroria Speciale si pjesë e grupit kriminal që ka bërë keqpërdorime dhe manipulime zgjedhore, duke importuar votues të rrejshëm nga Dragashi dhe Pusteci, të cilët janë pajisur me letërnjoftime false.

Derisa Temelko deklaroi se nuk e njeh Pepiqin dhe se për të ka dëgjuar nga mediat, në disa portale maqedonase është publikuar një foto e përbashkët e tyre.