Një kitarë “Fender Stratocaster” e vokalistit kryesor të ”Nirvana”-s, Kurt Cobain është shitur në ankand për gati 600 000 dollarë, 10 herë më shumë se sa ishte parashikuar.
Sipas “Julien’s Auctions”, kitara e rindërtuar e mbuluar me gërvishtje dhe mbishkrimet origjinale të tre anëtarëve të grupit pati 31 oferta.
Oferta më e lartë të shtunën në ankand ishte 596 000 dollarë.
Instrumenti, në ankandin treditor të ikonave muzikore, fillimisht u vlerësua nga 60 000 deri në 80 000 dollarë.
Një zëdhënës i shtëpisë së ankandeve tha për “The Times” se blerësi ka kërkuar të mbetet anonim.
Kitarat elektrike dhe baset e kompanisë “Fender” prodhohen ende në Kaliforni.
“Cobain, i cili vrau veten në vitin 1994, u përqafua nga pjesa më e madhe e brezit të tij me një zjarr gati si ai për John Lennon, duke shkruar për hipokrizinë dhe apatinë, që u hodh poshtë gjerësisht nga fansat e vjetër të rock-ut”, shkroi në vitin 2007 ish-kritiku i muzikës i “The Times”, Robert Hilburn.
Thuhet se ai e ka shkatërruar kitaren “MIJ Fender” bardh e zi gjatë regjistrimit të albumit të ”Nirvana”-s në 1991, “Nevermind”.
“Cobain ia dha kitarën Mark Lanegan, kantautori që drejtoi ‘Screaming Trees’ dhe që ishte miku dhe bashkëpunëtori i ngushtë i tij (Lanegan vdiq në moshën 57-vjeçare vitin e kaluar), gjatë turneut në Amerikën e Veriut në vitin 1992”, tha shtëpia e ankandit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.