KLSH: KESH humbi 50 milionë euro
Korporata Eleketroenergjetike Shqiptare humbi rreth 50 milionë euro vitin e kaluar nga detyrimi për të blerë energjisë e prodhouar nga hidrocentralet private. Shifrën e ka bërë publike kontrolli i lartë i shtetit në një raport të fundit auditimi.
Për vitin e kaluar KESH e ka blerë energjinë nga HEC-et private me çmimin 7.63 lekë për kilovat orë, ndërkohë që e ka shitur atë tek Operatori i shpërndarjes me vetëm 3 lekë për kilovat orë. Në rastin e hidrocentralit të Ashtës, diferenca ka qenë edhe më e madhe, pasi kesh ja ka blerë energjinë këtij hidrocentrali me 8.22 lekë për kilovat orë dhe ja ka shitur OSHEE-së me 3 lekë për kilovat orë.
Sipas KLSH, vitin e kaluar KESH është detyruar të blejë mbi 1.3 miliardë kilovat orë energji elektrike nga prodhuesit privat, dhe nga ky transaksion, pra blerja e kësaj energjie me cmim të lartë dhe shitja tek oshe me cmim më të ulët, korporata ka humbur rreth 50 milionë euro.
Kjo është një humbje e pashmangshme, pasi si cmimi i blerjes nga pribvatët ashtu dhe ai i shitjes tek oshee janë të fiksuar me ligj dhe rrjedhimisht KESH ka qenë e detyruar ta blejë energjinë me humbje.
