“Koha të thyen modelet e vjetra të korrupsionit”, Yuri Kim: Përpjekje për të joshur ose frikësuar gjyqtarë e prokurorë, po i kushtojmë vëmendje zhvillimeve
Përmes një postimi në twitter ambasadorja amerikane Yuri Kim, apelon se Shqipëria duhet të ecë përpara, e të ndahet nga modelet e vjetra të korrupsionit.
Kim flet për përpjekje për të joshur ose frikësuar gjyqtarët dhe prokurorët, për të shtrembëruar drejtësinë ndërsa thekson se SHBA po i kushtojnë vëmendje të gjitha zhvillimeve dhe do të vazhdojë të mbështesë fuqishëm zbatimin e reformës në drejtësi.
“Jemi në dijeni të më shumë përpjekjeve për të joshur apo frikësuar gjyqtarët & prokurorët, për të shtrembëruar drejtësinë, për të këmbëngulur në pandëshkueshmërinë për të fuqishmit – dmth, për të zvarritur Shqipërinë pas në të kaluarën.
Gjyqtarët dhe prokurorët duhet të përmbushin detyrat e tyre në përputhje me ligjin, me integritet. Është koha të thyejmë zakonet e vjetra të korrupsionit dhe ndikimit të paligjshëm në sistemin gjyqësor.
Shqipëria duhet të ecë përpara, jo prapa, as të qëndrojë në një vend. Shtetet e Bashkuara po i ndjekin nga afër të gjitha zhvillimet dhe do të vazhdojnë të mbështesin me forcë zbatimin e reformës në drejtësi”, -shkruan ambasadorja Kim.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.