“Kokainë në banane”, nën masa të larta sigurie Arbër Çekaj mbërrin në burgun 313

Arber Çekaj, personi i dyshuar për trafikimin e 613 kilogrameve kokaine kolumbiane në portin e Durrësit është ekstraduar sot në Shqipëri.

Transferimi i Çekajt nga Rinasi në ambjentet e burgut është kryer nën masa të rrepta sigurie.

Lajmi për ekstradimin e tij u njoftua nga Zv/drejtoresha e Pergjithshme Aida Hajnaj, në një deklaratë për mediat ku njoftoi operacionet e policisë në goditjen e krimit të organizuar. Hajnaj tha se në bashkëpunim me autoritetet Gjermane, Arber Çekaj, është duke u kryer ekstradimi nga Gjermania në Shqipëri i Arbër Çekaj.
Arbër Çekaj është pronari i kompanisë “Arbri Garden”, i cili u arrestua në Gjermani lidhur me sasinë rekord të kokainës me vlerë 180 milionë euro që mbërriti në portin e Durrësit. 613 kg kokainë u zbuluan në magazinat e kësaj kompanie, teksa po merreshin në dorëzim bananet e ardhura nga Kolumbia, aty ku ishte fshehur edhe lënda narkotike.

Në pranga është menaxheri Donald Lushaj dhe Armando Pezaku, shoferi i kamionit që transportoi kontenierët me banane dhe kokainë drejt magazinave të Arbri Garden në Maminas ku u zhvillua dhe operacioni i arrestimeve nga policia që zbuloi kokainën me vlerë 180 milionë euro. Arbër Çekaj u arratis në Gjermani duke i shpëtuar autoriteteve shqiptare dhe u arrestua pak kohë më pas.