Kolonët izraelitë sulmojnë fshatin Osarin në Bregun Perëndimor: një 50-vjeçar rrihet brutalisht

Kolonët izraelitë plagosën disa palestinezë në një sulm në fshatin Osarin, në jug të Nablusit në Bregun Perëndimor të pushtuar, raporton agjencia palestineze e lajmeve Wafa, cituar nga Al Jazeera.

Sipas Wafa-s, dhjetëra kolonë hynë në fshat ku sulmuan shtëpi, goditën automjete me gurë dhe sulmuan disa fshatarë; një burrë 50-vjeçar u rrah brutalisht, pësoi disa lëndime dhe u dërgua në spital.

Në një zhvillim të veçantë po sot, kolonët dogjën pemë ulliri në tokat palestineze në fshatin Abu Dis, ndërsa forcat izraelite hodhën bomba gazi ndaj palestinezëve dhe gazetarëve në fshatin Osarin në Nablus, sipas korrespondentëve të Al Jazeera-s në terren.

Sulmet vijnë në një ditë dhune të shtuar në Bregun Perëndimor, ku më herët kolonët sulmuan mbledhësit e ullinjve në Awarta dhe forcat izraelite kryen bastisje në Burqa, Tubas e Rafat.