Komandanti i Forcave Sigurisë Kosovës viziton të premten Shqipërinë

Komandanti i FSK-së, gjeneral lejtnant Rrahman Rama, do të pritet nesër me ceremoni zyrtare shtetërore në Shtabin e Përgjithshëm të Forcave të Armatosura të Republikës së Shqipërisë.

Sipas axhendës, Rama do të pritet nga Gjeneral Major Jeronim Bazo, me truproje nderi dhe Banda frymore e forcave shqiptare.

Më pas, Rama do të takojë ministren e Mbrojtjes Mimi Kodheli, si dhe do të zhvillojë një takim kokë me kokë me gjeneral Bazon.

Po ashtu, komandanti i FSK-së do të pritet edhe nga Komanda Tokësore e Forcave të Armatosura, në Zall-Herr, Tiranë.