Kombëtarja shqiptare ka nisur grumbullimin për ndeshjen ndaj Polonisë, që luhet më 2 shtator në stadiumin “PGE Narodowy” të Varshavës dhe është i vlefshëm për eliminatoret e Botërorit “Katar 2022”.
Zyra e shtypit në FSHF bën me dije se stafi kuqezi ka mbërritur në hotelin ku është grumbulluar përfaqësuesja në Varshavë. Stafi me një pjesë të lojtarëve kanë organizuar një seancë të lehtë stërvitore në një stadiumin e “Aktywna Warszawa”.
Ndërkaq, grupi do të kompletohet gjatë paradites së të hënës kur vijnë edhe lojtarët të cilët janë impenjuar me klubet respektive gjatë të dielës, ndërsa kuqezinjtë që do të zhvillojnë vetëm një seancë stërvitore në ora 18:00.
Deri më tani të gjithë lojtarët e ftuar për ndeshjet e shtatorit janë të gatshëm dhe nuk ka asnjë ndryshim. Kombëtarja do të ketë tre ditë të plota përgatitje para sfidës me polakët, që zhvillohet te enjten duke filluar nga ora 20:45.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.