Komisioni Evropian: Franca nuk ka kohë për të humbur për zbatimin e reformave

Franca duhet të përshpejtojë reformat dhe nuk ka kohë për të humbur, konfirmoi sot Komisioni Evropian, pas emërimit të një qeverie të re nga Valls.

”Është e rëndësishme që kryeministri ka konfirmuar angazhimin e qeverisë për të vazhduar reformat, të rëndësishme për rritjen ekonomike të Francës dhe punësimin afatgjatë”, deklaroi Simon O’Connor, zëdhënës i komisionerit evropian të ngarkuar me Çështjet Ekonomike, Jyrki Katainen.
“Nuk ka kohë për të humbur, është urgjente që Franca (…) të përshpejtojë reformat strukturore për rritjen ekonomike, rritjen e kompetitivitetit dhe rritjen e punësimit”, shtoi ai.