Konfiskohet marihuanë dhe kokainë në Shtip, ndalohen tre persona

MPB Maqedoni njofton se pas konstatimeve të mëparshme dhe masave të ndërmarra, më 08.08.2026 rreth orës 22:00, në rr. „Shtipski Sokak“, nëpunës policorë të Seksionit për Tregti të Palejuar të Drogës dhe Armëve pranë SPB Shtip i kapën në flagrancë personat M.B. dhe M.Xh.U. (24) nga Turqia, me qëndrim të përkohshëm në Shtip, duke i shitur marihuanë F.R. (23) nga Shtipi. Me këtë rast, është privuar nga liria F.R. dhe tek ai është gjetur marihuanë. Ndërsa, M.B. dhe M.Xh.U. kanë ikur, por pas pak kohe M.Xh.U. është kapur dhe privuar nga liria dhe tek ai janë gjetur marihuanë dhe një thikë.

“Për ngjarjen është njoftuar prokurori publik dhe gjykatësi i procedurës paraprake, pas çka nëpunësit policorë kanë shkuar në shtëpinë e M.B., ku e kanë gjetur A.B. (21) nga Turqia, gjithashtu me qëndrim të përkohshëm në Shtip. Gjatë kontrollit të kryer të banesës janë gjetur dhe sekuestruar disa qese dhe disa paketime me marihuanë, një lëndë pluhurore e bardhë, si dhe një peshore digjitale”.

“M.Xh.U., A.B. dhe F.R. u mbajtën në stacion policor dhe më 09.08.2026, me urdhër gjykate, u realizua bastisje në shtëpinë ku qëndron A.B. në Shtip. Gjatë bastisjes janë gjetur dhe sekuestruar marihuanë, thërrmuese, para në valuta të ndryshme dhe sende të tjera për të cilat ekziston dyshimi se kanë origjinën nga vepra penale”.

“Në lidhje me ngjarjen është ngritur kallëzim penal, ndërsa ndaj personave M.Xh.U. dhe A.B. është caktuar masa e paraburgimit”, njofton MPB.