Koreja e Jugut nën “alardin e kuq” nga rritja e temperaturave, 21 persona të vdekur

Të paktën 21 persona kanë vdekur nga sëmundjet që lidhen me nxehtësinë në Korenë e Jugut këtë vit, ndërsa vendi vazhdon të përballet me nxehtësi të fortë, raportuan mediat lokale të mërkurën.

Një total prej 2,441 personash vizituan dhomat e urgjencës për probleme të lidhura me nxehtësinë që nga e marta, që kur autoritetet nisën sistemin e tyre të mbikëqyrjes sezonale në mesin e majit, raportoi Agjencia e Lajmeve Yonhap, duke cituar Agjencinë Koreane të Kontrollit dhe Parandalimit të Sëmundjeve.

Edhe pse numri i pacientëve të lidhur me nxehtësinë ishte më i ulët krahasuar me të njëjtën periudhë të vitit të kaluar, vdekjet janë rritur. Numri i vdekjeve të këtij viti ka tejkaluar tashmë 20 vdekjet e regjistruara gjatë periudhës së krahasueshme të vitit të kaluar.

Një nga viktimat e fundit ishte një burrë në të 60-at, i cili vdiq pasi kishte punuar jashtë në një fermë në Qarkun Eumseong në Provincën Chungcheong Veriore të martën.

Lodhja nga nxehtësia përbënte 61.7% të rasteve të raportuara, e ndjekur nga goditja nga nxehtësia me 16.8% dhe ngërçet nga nxehtësia me 11.5%, sipas autoriteteve shëndetësore.

Agjencia meteorologjike e Koresë së Jugut zgjeroi të mërkurën paralajmërimet serioze për valë të nxehti në të gjithë zonën e madhe të Seulit, duke vendosur rreth 43% të rajonit nën nivelin më të lartë të alarmit.

Temperaturat në kryeqytetin Seul parashikohet të arrijnë deri në 39 gradë Celsius të enjten, ndërsa vazhdon periudha e zgjatur e nxehtësisë ekstreme.