Kosova 450 mijë euro për kulturën në Luginën e Preshevës dhe Bujanocin
Qeveria e Kosovës jep 450 mijë euro për kulturën në Luginën e Preshevës dhe Bujanocin.
Ministri i Kulturës i Kosovës, Kujtim Shala dhe kryetari i Këshillit Kombëtar Shqiptar në Preshevë, Jonuz Musliu nënshkruan sot në Prishtinë një memorandum bashkëpunimi me qëllim mbështetjen e qytetarëve të Luginës së Preshevës dhe të Bujanocit.
Kryetari i KKSh-në Preshevë, Jonuz Musliu tha se “ky memorandum është historik për Luginën dhe Kosovën. Kosova është e interesuar që shqiptarët e Luginës së Preshevës të jetojnë siç e meritojnë qytetarët e tjerë”.
Sipas tij, me nënshkrimin e këtij memorandumi po fillojmë themelet e bashkëpunimit mes Kosovës dhe Preshevës.
Ndërsa ministri Shala tha se “do të punohet që sa më shpejtë Kosova ta funksionalizojë pjesën e saj që i përket nga marrëveshja e bërë me Shqipërinë për lirimin e një fondi të përbashkët për Luginën e Preshevës “.
Kryetari i Këshillit Kombëtar Shqiptar i Luginës së Preshevës, Jonuz Musliu, kryetari i Preshevës, Ragmi Mustafa dhe ai i Bujanocit, Nagip Arifi, po qëndrojnë sot në Kosovë për një vizitë zyrtare.
