Kosovë-Shqipëri, bashkëpunim në fushën e sigurisë

Përfaqësuesit e Prokurorisë së Shtetit, gjykatave, Policisë së Kosovës dhe Doganave të Kosovës, do të takohen nesër me përfaqësues të Prokurorisë, Gjykatës, dhe Policisë nga Republika e Shqipërisë.

Sipas një njoftimi të Këshillit Prokurorial të Kosovës, temë e këtij takimi do të jetë “Bashkëpunimi ndërkufitar dhe lufta kundër krimit të organizuar”, i organizuar nga Prokuroria Themelore në Prizren.

Takimi do të mbahet në një restorant në Vërmicë, Prizren. Në takim do të marrin pjesë dhe do të mbajnë fjalë, kryeprokurori i Prokurorisë Themelore në Prizren, Sylë Hoxha,  zv. ministër i MPB-së, Kosovë, Valdet Hoxha, zv. ministrja e MPB-së, Shqipëri, Elona Gjebrea, ambasadori i Republikës së Shqipërisë, Qemal Minxhozi, si dhe drejtues të prokurorive të të dyja vendeve.