Kritika ndaj ligjit të punës dhe shëndetësisë

Deputeti Faton Topalli kërkoi zbatim të Ligjit të Punës nga privatët, ndërsa Zafir Berisha kritikoi gjendjen në shëndetësi.

Deputeti i Lëvizjes Vetëvendosje, Faton Topalli ka kritikuar zbatimin e ligjit të punës në institucionet private në Kosovë. Ai tha se duhet të forcohet Inspektorati i Punës dhe të krijohet Gjykata Themelore e Punës.

“Kjo që po ndodh në sferën e punësimit është krim që po u bëhet mijëra qytetarëve të Kosovës,” tha Topalli, transmeton kallxo.com.

Ndërsa deputeti i Nismës, Zafir Berisha ka kritikuar shëndetësinë dhe udhëheqjen e saj nga ministri Imet Rrahmani

“Korrupsioni apo mit-marrja është fenomen i rëndë, shumë mjekë i kanë bërë disa nga kthinat si dhoma të rrëfimit për shkak që bëhet pazar si për plaçka ndaj pacientëve,” tha Berisha.

Ai kritikoi Ministrinë e Shëndetësisë edhe për mungesë të barnave esenciale.