Kryemadhi thyen heshtjen, ja çfarë thotë për rezultatin e zgjedhjeve

Monika Kryemadhi ka thyer heshtjen duke reaguar për herë të parë për rezultatin e zgjedhjeve të 25 qershorit.

Kryemadhi falenderon votuesit e LSI duke theksuar se ata janë heronj, pasi sipas saj përballuan strategjinë e terrorit nga Policia e Shtetit.

Statusi i plotë

Miq, ju nuk jeni votues për mua por HERONJ, sepse përballuat me vendosmëri dhe qytetari, jo thjesht kundërshtarë politikë, por një strategji terrori dhe kërcënimesh kriminale të dirigjuara nga policia e shtetit.

Prandaj për mua dhe LSI ju jeni misionarë të demokracisë, të së ardhmes dhe të fëmijëve tuaj.

Ju përqafoj dhe ju jam mirënjohëse pafund! ❤️?