Kurti nuk komenton reagimet për Ligjin për Specialen, shkon në takim te presidentja Shiroka-Pula

Kryeministri i Kosovës, Albin Kurti, nuk ka komentuar reagimet ndërkombëtare që erdhën pas miratimit nga Kuvendi i ndryshimeve në Ligjin për Dhomat e Specializuara, siç njofton KosovaPress.

Bashkimi Evropian kishte thënë fillimisht se ndryshimet bien ndesh me detyrimet ndërkombëtare të Kosovës ndaj bllokut, ndërsa Ambasada e Gjermanisë në Prishtinë u shpreh ‘thellësisht e shqetësuar’ për ndërhyrjet e legjislativit në Ligjin për Dhomat e Specializuara në Hagë, transmeton KosovaPress.

Për pikërisht këto reagime u pyet nga gazetarët kryeministri Kurti të enjten në mëngjes, por shefi i qeverisë nuk u përgjigj. ‘Në orën 11:00 kam takim te presidentja, më duhet të mbërrij në kohë’, tha Kurti, sipas KosovaPress, duke iu referuar takimit me presidenten Justina Shiroka-Pula.