Kushtetutën e sulmon tenja
Ky debati mbi ripërtëritjen e përbërjes së Gjykatës Kushtetuese, përtej sa shkruan vetë Kushtetuta në nenit 179 të saj, është maskarallëk. Në mos një grabitje mandatesh në formën e grupit të strukturuar kriminal.
Kushtetuta vetë e ka përcaktuar se kush janë mandatet që sigurojnë ripërtëritjen e përbërjes së saj. Është një mandat që mbaron këtë vit dhe një mandat tjetër që mbaron në 2028. Kjo është llogjika përse u çel diskutimi për mandatin e zonjës Zaçaj. Në 2028 mbaron mandati i zotit Sandër Beci.
Të gjithë të tjerët marrin mandat të plotë.
E thotë Kushtetuta këtë, ligji më suprem dmth.
Të tjerat janë përralla me interpretime sipas qejfit.
Jo po Venecia, jo po Opdati, jo po ambasada, jo po kështu tha ai e kështu thotë ai tjetri, jo po e mbaj mend unë, jo po interpretim me analogji apo interpretim me brekë nëpër këmbë. Të gjitha janë pordhë me rigon që përpiqen justifikojnë grabitjen e mandateve për qëllime politike okulte.
Grupi i “tenjës ligjore” në PS është ende në veprim…
Por lexoni nenin 179 të Kushtetutës dhe do bindeni se sa e thjeshtë është dhe sa e pisët është përpjekja okulte.
****
Personalisht nuk kam ndonjë respekt të veçantë tek Gjykata e sotme Kushtetuese. Jam i mendimit madje që kjo Gjykatë është më e dobëta që kemi patur ndonjëherë. Por tentativa për grabitje mandatesh është e papranueshme.
Shkrime nga Ylli Manjani — të gjitha shkrimet e autorit në Opinion →
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.