Kuvend, ish-të përndjekurit godasin me domate makinat e deputetëve

Një grup ish-të përndjekurish kanë protestuar sot para parlamentit, duke goditur makinat e deputetëve me domate gjatë hyrjes së tyre në mjediset e Kuvendit të Shqipërisë. Ish-të përndjekurit u kishin zënë “pritë” ligjvënësve shqiptarë, por policia ka ndërhyrë menjëherë duke bllokuar Fatmir Hoxhën dhe Skënder Tufën, që ishin në krye të grupit të protestuesve para Kuvendit.

Ata shprehën zemëratën e tyre pas reagimit të qeverisë për dëmshoërblimet e kësaj kategorie, e cila sipas Tufës nuk po bëhet duke respektuar ligjin. Tufa sulmoi dhe ironizoi ministrin Velias, duke thënë: “Kërkojmë dëshmshpërblimin sipas ligjit, ky është vetëm fillimi i protestave tona.

Qeveria është shndërruar në OJQ, ne duam që të hapen dosje. Nuk mund të vendosen dëmshpërblimet nga “kalamajtë me kollare” si puna e ministrit Erion Veliaj, që është një njeri pa origjinë”.

Sipas Tufës dhe Hoxhës ky është vetëm fillimi i protestave. Ata thanë se ndihen të nëpërkëmbur nga çdo qeveri që ka drejtuar pas rënies së komunizmit.