Kuvendi nis diskutimet për plotësimin e vendeve vakante në BSH

Kuvendi nisi sot diskutimet për procedurat për plotësimin e dy vendeve vakante në Këshillin Mbikëqyrës të Bankës së Shqipërisë pas largimit të Adrian Civicit dhe vendit bosh të Zëvendës Guvernatorit.

Sipas ligjit, Kuvendi duhet të propozojë 2 anëtarë për Këshillin Mbikqyrës të Bankës së Shqipëris. Komisioni Parlamentar i Ekonomisë dhe Financave diskutoi për procedurat paraprake të plotësimit të dy vendeve vakante në Këshillin Mbikqyrës të Bankës së Shqipërisë, propozuar nga Kuvendi. Në nisje të punimeve të komisionit, Kryetari i Komisionit, Erjon Braçe shpjegoi procedurën ligjore se si do të përzgjidhen kandidaturat për anëtarë të Këshillit Mbikqyrës së Bankës së Shqipërisë me propozim të Kuvendit. Ai theksoi se komisioni do të shqyrtojë të gjitha kandidaturat dhe do të zhvillojë seancë dëgjimore me to. “E rëndësishme është thirrja për aplikim ku 22 deputet duhet të mbështesin çdo kandidat dhe më pas do të shqyrtohen në Komision kandidaturat”, tha Braçe. Por kryetari i komisionit të Ekonomisë, Erion Braçe ka paralajmeruar dhe rishikim të pozicionieve në këtë Këshill të 2 anëtarëve të tjerë gjatë mbledhjes se sotme. Braçe tha se dy anetarë aktual të Këshillit Mbikqyrës të BSH-së janë në shkelje të rëndë të ligjit.