La Volpe provokon Puyol: “Spanja u shfaq vetëm në vitin 2010, më parë nuk ekzistonte”

Ish-futbollisti dhe ish-trajneri argjentinas, Ricardo Antonio La Volpe, u përplas me legjendën spanjolle Carles Puyol gjatë emisionit sportiv meksikan “Los Maestros” në TUDN, ku të dy analizojnë futbollin.

Puyol ishte i ftuar në studio pas kualifikimit të Spanjës në gjysmëfinalet e Kupës së Botës, por La Volpe nuk kurseu kritikat ndaj historisë së “La Roja”.

“Spanja? Ju u shfaqët në vitin 2010, më parë nuk ekzistonit. Flisni vetëm për atë brez, por ku është ai i vitit 2014? Nuk është. Më 2018 nuk është, më 2022 nuk është…”, – deklaroi argjentinasi.

La Volpe vijoi me një tjetër koment polemik: “Thonë se Spanja e krijoi skemën 4-3-3, por ky sistem daton që në vitet ’80 me Arrigo Sacchi. A do ta krahasosh Busquets me Pirlon?”

Deklaratat e tij e vendosën Puyol në vështirësi. Ish-kapiteni i Barcelonës dhe Spanjës u përpoq t’i kundërshtonte argumentet e La Volpe, por nuk arriti ta bindte ish-trajnerin argjentinas.