ITALI – 60 kontrolle në 23 qytete, nën hetim personat që nxitën dhunë gjatë protestave

ROMË, 31 tetor /ATSH-ANSA/ – Policia italiane ka zhvilluar 60 kontrolle në 23 qytete të vendit, në kuadër të një operacioni të koordinuar nga Drejtoria e Përgjithshme e Policisë së Shtetit (Digos) dhe Policia Postare.

Lajmi është bërë i ditur nga Policia italiane, e cila sqaron se kontrollet janë ushtruar ndaj personave të dyshuar se kanë nxitur akte dhune përmes bisedave në grupet online dhe platformave të ndryshme të rrjeteve sociale.

Sipas autoriteteve, bëhet fjalë për individë që kanë përdorur këto kanale komunikimi për të nxitur kryerjen e veprimeve të dhunshme gjatë protestave të zhvilluara së fundmi në rrugët dhe sheshet e qyteteve italiane.

Operacioni synon të identifikojë personat e përfshirë në nxitjen e dhunës dhe të verifikojë aktivitetin e tyre në hapësirën digjitale, në një kohë kur autoritetet italiane kanë shtuar vëmendjen ndaj thirrjeve për akte të paligjshme gjatë tubimeve publike.