Largimi i Prengës, Ambasada Amerikane: Mirëpresim vendimin

Ambasada e SHBA, me anë të një deklarate për shtyp bëri me dije se mirëpret largimin e ish-deputetit Armando Prenga nga Parlamenti.

“Personat me dosje penale nuk kanë vend në parlamentin, gjykatat, qeverinë, apo bashkitë e një vendi anëtar të NATO-s, i cili gjithashtu synon t’i bashkohet BE-së.

Inkurajojmë qytetarët shqiptarë dhe institucionet shqiptare të jenë vigjilentë për parandalimin e kriminelëve nga kandidimi në zgjedhjet e 18 qershorit”, lexohet në deklaratën e Ambasadës Amerikane.

“Shqiptarët meritojnë të kenë një sistem politik dhe gjyqësor të pastër, pa ndikimin e krimit të organizuar dhe korrupsionit”, përfundon deklarata.