Lind konflikti i parë mes Mourinho dhe Real Madridit. “Fajin” e ka Julian Alvarez

Edhe pse Jose Mourinho nuk është zyrtarizuar ende si trajneri i ri i Real Madridit, gjë që tashmë është vendosur prej ditësh, ka ardhur që tani “konflikti” i parë mes “The Special One” dhe klubit madrilen.

Mundo Deportivo zbulon se konflikti ka të bëjë me ofertën e djeshme për Julian Alvarez. Sipas raportimit në fjalë, Jose Mourinho pretendon se nuk ka qenë në dijeni për ofertën e Real Madridit mbi sulmuesin argjentinas dhe këtë gjë e mori vesh në momentin kur klubi madrilen reagoi përmes një deklarate zyrtare.

Për këtë arsye, Mourinho është mërzitur shumë që klubi veproi pa dijeninë e tij. Në anën tjetër, versioni i Real Madridit është se trajneri portugez ishte në dijeni se klubi do të bënte një ofertë për argjentinasin, por nuk ishte dakord me të.