Luan Maxhari, kreu i ri i Bashkisë Progradec deri në zgjedhjet lokale

Pas dorëheqjes së kryetarit të bashkisë Artan Shkëmbi, Këshilli Bashkiak i Pogradecit ka zgjedhur kreun e ri.

Ai do të jetë nënprefekti Luan Maxhari, i cili do të mbajë detyrën e kryebashkiakut deri në zgjedhjet lokale të 21 qershorit.

Këshilli bashkiak i këtij qyteti gjeti konsensus për zgjedhjen e Maxharit, ku nga 25 anëtarë, 21 votuan pro tij, ndërkohë që tre nuk votuan, përfshirë dhe vetë Maxharin.

Maxhari, i cili zëvendëson Artan Shkëmbin që dha dorëheqjen para pak ditësh, do të qëndrojë në këtë post vetëm për katër muaj deri në zgjedhjet vendore të 21 qershorit.