Lufta me Iranin, Trump: Ata bërtasin gjithë kohës, por mezi presin të nënshkruajnë marrëveshjen

Presidenti i SHBA-së, Donald Trump, tha se Irani po “bërtet gjatë gjithë kohës” gjatë bisedimeve me Uashingtonin, duke shtuar se Teherani është i etur të nënshkruajë një marrëveshje.

Në një intervistë me revistën Fortune me seli në Nju Jork, të botuar të hënën, Trump komentoi mbi negociatat e vazhdueshme midis SHBA-së dhe Iranit.

“Ata bërtasin gjatë gjithë kohës”. tha ai për Iranin. «Mund t’ju them një gjë – ata mezi presin të nënshkruajnë (një marrëveshje). Por ata bëjnë një marrëveshje dhe pastaj ju dërgojnë një dokument që nuk ka asnjë lidhje me marrëveshjen që keni bërë. Unë them: ‘Jeni të çmendur ju njerëz?’”

Sipas intervistës, Trump gjithashtu e paraqiti udhëheqjen e Iranit sikur ata ishin më shumë si një “rival kokëfortë biznesi”.

Tensionet janë përshkallëzuar që kur SHBA-të dhe Izraeli nisën sulme kundër Iranit në shkurt. Teherani u hakmor me sulme që synonin Izraelin, si dhe aleatët e SHBA-së në Gjirin Persik, përfshirë Emiratet e Bashkuara Arabe, së bashku me mbylljen e Ngushticës së Hormuzit.

Një armëpushim hyri në fuqi më 8 prill nëpërmjet ndërmjetësimit pakistanez, por bisedimet në Islamabad dështuan të prodhonin një marrëveshje të qëndrueshme. Trump më vonë e zgjati armëpushimin për një kohë të pacaktuar.