Lugina e Valbonës edhe si mundësi e turizmit të bardhë

Kur flasim për turizmin, në përgjithësi i referohemi natyrës dhe bukurive të saj, vlerave argëtuese dhe  shëndetësore.Tashmë jemi në pragdimër dhe sinjalet e para që ai ështe shumë pranë kanë mbërritur qysh sot. Lartësitë e maleve tona janë “thinjur”nga bora e parë. Sa më lartë të ngjitesh në verilindje, aq më afër e ndjen stinën e bardhë. Për turizmin kjo është një tjetër ngjarje që duhet shfrytëzuar. Parqet Kombëtare dhe fshatrat turistikë e ndjejnë këtë dhe kanë filluar përgatitjet e para. Lugina e Valbonës mbetet në çdo stinë e lakmuar nga vizitorët vendas dhe të huaj. Një ekspeditë me eksperte të “GIZ” dhe Ministrisë së Mjedisit, do të ngjtet në fundjavë në Lekbibaj me qellimin e vetëm që ta inspektoje, të marre të dhëna mbi natyrën dhe vizitorët në atë zonë dhe ta propozoje si një Park Kombëtar dhe turistik. Mbase një zëvendësim për parqet e shkaterruara të Lures dhe ai i Bredhit të Drenovës, që janë tepër të dëmtuar.

Lugina e Valbonës dhe gjithë zona e këtyre lartësive, tashmë do të jetë më afër për turistët vendas apo të huaj. Punimet e nisura mbi rrugët e kësaj  Lugine do të përfundojnë së shpejti. Nga mesi i muajit nëntor pritet të shtrohet dhe shtresa e parë e asfaltit në rrugën që do të nisë nga qendra e Valbonës dhe përgjatë gjithë  luginës së lumit. Rikonstruksioni i gjatësisë së kësaj rruge do i japë frymëmarrje Parkut Kombëtar të Valbonës edhe gjatë dimrit, kur trashësia e dëborës arrin në më shumë se 1 metër. Vizitorët e lartësive, alpinistët dhe skiatorët amatore të sporteve të deborës, nuk do të vonojnë të  zbresin në këtë mrekulli natyrore.