Madridi nxjerr para Gjykatës Kushtetuese referendumin katalanas

Qeveria spanjolle dërgoi sot një padi në Gjykatën Kushtetuese kundër referendumit mbi pavarësinë të parashikuar nga Katalonja, duke e akuzuar se po cënon sovranitetin e shteti Spanjoll.

Shefi i qeverisë, Mariano Rajoy, njoftoi këtë padi që pritej, në përfundim të një mbledhje të jashtëzakonshme të Këshillit të Ministrave, duke përdorur fjalë të rënda si kritikë ndaj iniciativës së Katalonjës, i cili e gjykon si antikushtetuese, duke e cilësuar si demagogji dhe antidemokratik.

“Asgjë, askush si dhe asnjë pushtet , asnjë institucion nuk mund nuk mund të shkelë parimin e sovranitetit unik, të pandashëm mbi të cilin themelohet jeta jonë e përditshme”, deklaroi Mariano Rajoy në një konferencë për shtyp.

Ai u shpreh se “i vjen shumë keq që presidenti i kësaj province të fuqishme në verilindje të vendit, Arutr Mas, ka kërkuar këtë referendum”.

“Më vjen keq pasi kjo shkon ndesh me ligjin, ajo tejkalon karakterin e demokracisë, ajo ndan katalanasit, i largon nga Spanja dhe pjesa tjetër e Evropës si dhe godet fuqishëm mirëqënien e saj”, theksoi shefi i qeverisë.

“Pa përmendur faktin e frustrimit me të cilin dënon një pjesë të qytetarëve katalanas duke i shtyrë të marrin pjesë në një iniciativë që nuk mund të organizohet pasi është e jashtligjshme”, shtoi ai.

Qeveria qendrore theksoi se do të përdorë të gjitha mjetet ligjore për të penguar referendumin mbi pavarësinë që Katalonja kërkon të organizojë më 9 nëntor, pavarësisht kundërvënies së Madridit