Makineria që shtron rrugën si tapet

Që prej antikitetit, njeriu ka përdorur gurët për të shtruar rrugët. Ndër shekuj metodat janë sofistikuar dhe punimet janë shndërruar në shumë raste vepra arti të vërteta.

I vetmi problem i shtrimit të rrugëve me gurë është se kërkojnë shumë kohë dhe burime njerëzore.

Për ta thjeshtuar dhe përshpejtuar këtë proces kanë menduar inxhinierët e kompanisë RPS, që kanë prezantuar “Printuesin e Rrugës”.

Bëhet fjalë për një makineri gjigante që shtron rrugët dhe trotuaret si tapet. Makineria “qëndis tapetin” duke asambluar një nga një gurët e hedhur nga punëtorët që qëndrojnë mbi të.

Krijuesit e saj thonë se makineria mund të shtrojë deri në 500 metra rrugë në ditë dhe premtojnë ta përmirësojnë atë në vazhdim.