Mandati i Luiza Xhuvanit, KQZ vendos sot për pasuesin

Komisioni Qendror i Zgjedhjeve mblidhet të hënën (ora 13:00) për të shqyrtuar plotësimin e vakancës së njoftuar nga Kuvendi, pas heqjes dorë të Luiza Xhuvanit nga mandati i deputetes së Partisë Socialiste.
Xhuvani, deputete e qarkut të Vlorës, u dorëhoq nga mandati më 5 nëntor, si pasojë e aktit që kreu djali i saj Konstandin Xhuvani, i cili vrau katër persona në një lokal nate.
Sipas listës shumëemërore të Partisë Socialiste dhe për të ruajtur raportet gjinore kandidatja që pritet të pasojë Xhuvanin në parlament, është Mira Shehu.