Maqedoni: Hekurudha Kërçovë-Pogradec, 350 mln euro

350 milionë euro do të kushtojë hekurudha që do të lidhë Maqedoninë me Shqipërinë, ndërsa afati i përfundimit është 8 vjet. Qeveria e Maqedonisë nënshkroi marrëveshjen me konsorciumin e përbërë nga kompani spanjolle “Tipsa” dhe ajo franceze “Lui Berzhe” për projektin e ndërtimit të hekurudhës nga Kërçova deri në kufi me Shqipërinë në vendin e quajtur Lin, që është pjesë e Korridorit 8. Përpunimi i projektit duhet të fillojë më datë 15 të këtij muaji dhe do të përfundojë për 22 muaj. Në fazën e parë do të punohet në shpronësimin e tokës ndërtimore, pas së cilës do të vijojë thirrja për kompanitë e interesuara që do të ndërtojnë hekurudhën. Segmenti Kërçovë-Lin, me gjatësi prej 60 kilometrash, është pjesa e pandërruar e linjës perëndimore të Korridorit 8 që lidh Detin e Zi, Bullgarinë, Maqedoninë, Shqipërinë dhe Italinë. Parashikohet që pjesa hekurudhore e Korridorit 8 të përfundojë pas 8 viteve, pra deri në vitin 2022.