Marotta: Ai nuk do të largohet nga Inter, kjo është ëndrra ime si president i klubit

Alessandro Bastoni do të qëndrojë tek Inter për një tjetër sezon. Presidenti i Inter, Beppe Marotta, e konfirmoi këtë fakt pavarësisht interesimit të Barcelona. “Mendoj se tifozët mund të jenë të qetë për të ardhmen e Bastoni“, tha Marotta.

“Inter, në parim, nuk është një klub që dëshiron ta shesë. Nëse një lojtar largohet, është ai që ka shprehur dëshirën e tij për t’u larguar. Duhet të them se Bastoni absolutisht nuk e ka shprehur dëshirën e tij për t’u larguar”, shtoi presidenti zikaltër.

Më tej, Marotta komentoi: “Ai është i lumtur këtu, kështu që nuk kemi nevojë ta shesim. Mendoj se ai do të qëndrojë me ne për një kohë. Ai bëri një gabim me Juven, më shumë nga instinkti sesa nga racionaliteti“.

Marotta tha se ëndrra e tij dhe klubit është Champions League: “E konsideroj të tillë sepse i respektoj kundërshtarët tanë. Duam të kthehemi në finale për herë të tretë. Shpresoj shumë që lojtarët të më japin këtë trofe pas katër humbjeve në finale (humbi dy edhe me Juve)”.

“Shpresoj shumë që ta ngre atë trofe para se të dal në pension. Qëllimi për sezonin e ardhshëm është të arrij diçka në Evropë. Kur të largohem nga Inter, kam ndërmend të qëndroj në futboll, por në një rol drejtuesi”, tha Marotta.