☁️
Tiranë 21°C · Vranët 19 Nëntor 2026
S&P 500 7,406 ▲1.13%
DOW 50,426 ▲0.45%
NASDAQ 24,886 ▲1.87%
NAFTA 83.73 ▲1.73%
ARI 3,709 ▼0.87%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $63,922 ▲ +0.05% ETH $1,810 ▲ +1.04% XRP $0.9928 ▲ +0.05% SOL $75.2100 ▲ +0.56%
S&P 500 7,406 ▲1.13 % DOW 50,426 ▲0.45 % NASDAQ 24,886 ▲1.87 % NAFTA 83.73 ▲1.73 % ARI 3,709 ▼0.87 % S&P 500 7,406 ▲1.13 % DOW 50,426 ▲0.45 % NASDAQ 24,886 ▲1.87 % NAFTA 83.73 ▲1.73 % ARI 3,709 ▼0.87 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Ekonomia

Marrëveshja 650 mln euro/ Shitet Fibank, gjiganti grek Eurobank hyn në tregun shqiptar

Eurobank firmos për blerjen e 65% të Fibank, pritet të marrë kontrollin edhe të Fibank Albania.

Grupi bankar grek Eurobank ka nënshkruar marrëveshjen për të blerë 65% të First Investment Bank (Fibank) në Bullgari për rreth 650 milionë euro. Nëse transaksioni miratohet dhe përfundon, Eurobank do të marrë kontroll të tërthortë edhe mbi Fibank Albania, e cila zotërohet plotësisht nga banka bullgare.

Fibank Albania njoftoi se do të vijojë të operojë dhe t’u shërbejë klientëve normalisht deri në përfundimin e transaksionit. Blerja e shumicës së aksioneve pritet të mbyllet në gjysmën e parë të vitit 2027, me kusht që të marrë miratimet rregullatore.

Sipas njoftimit të Eurobank të 18 nëntorit, grupi do t’i blejë aksionet nga dy themeluesit e Fibank, Ivailo Mutafchiev dhe Tzeko Minev. Çmimi i dakordësuar prej 6,73 eurosh për aksion e vlerëson të gjithë bankën në rreth 1 miliard euro. Fibank Albania e raporton pjesën që do të shitet në 64,33%, ndërsa shifra prej 65% e Eurobank pasqyron anulimin e planifikuar të rreth 1,6 milionë aksioneve që Fibank mban vetë.

Pas blerjes së shumicës, Eurobank planifikon të paraqesë një ofertë të detyrueshme për aksionet e mbetura gjatë tremujorit të dytë ose të tretë të vitit 2027. Banka Bullgare për Zhvillim është zotuar të ofrojë në shitje pjesën e saj prej rreth 18%, ndërsa rreth 17% e aksioneve janë në qarkullim të lirë në bursë.

Eurobank do ta paguajë blerjen tërësisht në para. Grupi synon ta financojë transaksionin me kapitalin që ka në dispozicion dhe me një rritje kapitali prej rreth 750 milionë eurosh, të cilën planifikon t’ua paraqesë aksionarëve për miratim në një mbledhje të jashtëzakonshme më 9 dhjetor.

Në Bullgari, Eurobank synon ta bashkojë Fibank me Postbank, bankën që zotëron tashmë në vend, në tremujorin e fundit të vitit 2027. Sipas grupit grek, bashkimi do të krijonte bankën më të madhe në Bullgari për nga aktivet dhe depozitat, me rreth 20% të tregut. Fibank, aktualisht banka e pestë më e madhe në vend për nga aktivet, raportoi 10,6 miliardë euro aktive dhe 8,2 miliardë euro depozita në fund të shtatorit 2026.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.