Mbappé kundër PSG-së, ja si përfundoi beteja gjyqësore

Gjykata e Apelit në Paris ka urdhëruar Kylian Mbappé të paguajë 60,000 euro kompensim për PSG-në për “mungesën e likuiditetit” që pësoi gjatë sekuestrimit 45-ditor të aseteve të tij, midis 10 prillit dhe 25 majit 2025.

Kjo ndodhi për shkak se kampioni francez, në verën e vitit 2024, i kishte kërkuar klubit francez një shumë prej 60 milionë eurosh në bonuse dhe stimuj që, sipas tij, klubi po refuzonte t’ia paguante.

Kjo kërkesë u pasua nga një sekuestrim paraprak i llogarive të klubit.

PSG në fund u detyrua të kërkonte një linjë kredie në minutën e fundit për të përmbushur nevojat e saj financiare, gjë që rezultoi në shpenzime shtesë.

Në fund, PSG fitoi çështjen gjyqësore kundër Mbappé, i cili, megjithatë, nuk do të duhet të paguajë shumën simbolike të kërkuar si dëm për imazhin dhe reputacionin e PSG-së.