Mbi 800 të zhdukur pas përmbytjeve në Nepal

Më shumë se 800 persona rezultojnë të zhdukur pas përmbytjeve masive që kanë goditur zonat pranë kufirit mes Nepalit dhe Tibetit.

Në Nepal, të paktën 165 trupa janë gjetur deri më tani, ndërsa operacionet e kërkim-shpëtimit po përballen me vështirësi të mëdha për shkak të reshjeve të dendura dhe terrenit të vështirë malor.

“Gruaja ime është ende diku nën baltë”, tha një burrë i shpëtuar me helikopter, duke përshkruar përmasat e tragjedisë.

Në anën tibetiane, autoritetet raportojnë 558 persona të zhdukur dhe tre viktima të konfirmuara. Ende nuk është e qartë nëse këto shifra përfshihen apo përputhen me bilancin e raportuar nga Nepali.

Mes të zhdukurve në të dyja anët e kufirit janë edhe qindra shtetas të huaj. Nepali ka bërë të ditur se mes tyre ndodhen më shumë se 100 turistë nga India, 54 shtetas amerikanë dhe 33 britanikë.

Sipas Shërbimit Gjeologjik të SHBA-së, përmbytjet u shkaktuan nga “rënia e akullnajave dhe rrjedhja e mbeturinave”, duke përkeqësuar situatën në zonat e prekura.

Operacionet e kërkim-shpëtimit vijojnë, ndërsa autoritetet paralajmërojnë se bilanci i viktimave dhe të zhdukurve mund të ndryshojë