Mbledhja e Këshillit Kombëtar të PD-së më 15 korrik, zbulohet mesazhi i kryetares së re Julia Emiri

Të mërkurën më 15 korrik do të zhvillohet mbledhja e radhës e Këshillit Kombëtar të PD-së. Gazetari i Euronews Albania, Ardit Hoxha ka zbuluar detaje të reja si dhe mesazhin që u ka shkuar anëtarëve të Këshillit Kombëtar nga kryetarja e re Julia Emiri lidhur me mbledhjen.

Në mesazh bëhet me dije se mbledhja do të mbahet në orën 18:00.Ndër të tjera, Hoxha shton se në pikën e parë të rendit të ditës do të jetë zgjedhja e një ekipi që do të jetë pranë kryetarit të PD-së në drejtimin e partisë.

Mesazhi i plotë:

Të nderuar zonja dhe zotërinj anëtarë dhe anëtare të Këshillit Kombëtar! Së pari, ju falenderoj dhe njëherë bashkarisht për mbështetjen dhe ju shpreh mirënjohjen, respektin dhe përkushtimin tim absolut për punën tonë të përbashkët, që uroj të na shkojë sa më mbarë.

Së dyti, ju njoftoj që ditën e mërkurë, më datë 15 Korrik, ora 18:00, do të zhvillohet mbledhja e Këshillit Kombëtar të Partisë Demokratike, me rend dite:

1-Zgjedhja e ekipit që do të ndihmojë Kryetarin në drejtimin e Partisë; konkretisht:a-)Sekretarit të Përgjithshëm;b-)Nënkryetarëve të PD-së;c-)Sekretariatit të PD-së;d-)Komisionit të Apelimit të PD-së.2-Të tjera.Ju falemnderit!