Mbretëresha, Elizabeth II paraqet zyrtarisht programin e qeverisë

Elizabeth II mbajti sot ”fjalimin e mbretëreshës”, ceremoni gjatë së cilës ajo zbulon programin legjislativ të qeverisë konservatore të David Cameron, me zyrtarizimin e një projekti për referendumin e qëndrimit të Britanisë së Madhe në BE.

Ky fjalim shënon hapjen e seancës së re së Parlamentit të Westminsterit pas zgjedhjeve legjislative të 7 majit që i dhanë Cameronit një mandat të dytë dhe maxhorancë absolute në shomën e Komuneve.

Qeveria konservatore e David Cameron njoftoi sot një projektligj për organizimin deri në fund të vitit 2017 të një referendumi për mbajtjen e Britanisë së Madhe në Bashkimin Evropian.

Ky projektligj u njoftua para Parlamentit të Westminsterit nga mbretëresha Elizabeth II me rastin e fjalimit tradicional të mbretëreshës, lexuar nga sovrania, por hartuar nga qeveria.

Qeveria britanike e David Cameron do të mundësojë votimin e një ligji për të garantuar një ngrirje të taksave mbi familjet deri në vitin 2020.

“Një ligj do të vihet në zbatim (…) për të siguruar se nuk do të ketë rritje të taksave mbi të ardhurat, taksa e vlerës së shtuar (TVSH) as mbi kontributet soaciale gjatë pesë viteve të ardhshme”, deklaroi mbretëresha, Elizabeth II në Parlament, në fjalimin tradicional të mbretëreshës, që përbën zyrtarisht programin e vendosur nga qeveria.