Mbreti spanjoll do të ndjekë një ndeshje të Kupës së Botës në Meksikë, u ftua nga presidentja Sheinbaum

Mbreti spanjoll, Felipe VI do të vizitojë Meksikën për të ndjekur një ndeshje të Kupës së Botës, tha presidentja meksikane të hënën. Kjo është një shenjë e “ngrohjes’ së marrëdhënieve pas tensioneve të fundit midis dy vendeve për abuzimet e epokës koloniale.

Presidentja Claudia Sheinbaum nuk e ftoi Mbretin Felipe në inaugurimin e saj në vitin 2024, pasi monarku refuzoi të kërkonte falje për gabimet e kryera gjatë pushtimit spanjoll.

Megjithatë, pasi ai pranoi abuzimet koloniale në mars, duke thënë se Spanja nuk mund të ndihej krenare për to.

“Është një moment krejtësisht i ndryshëm”, u tha Sheinbaum gazetarëve, duke konfirmuar vizitën.

“Me përjashtim të disa personave që ende e mbrojnë Hernan Cortes… shumica dërrmuese e popullit spanjoll e pranon se ka pasur një periudhë abuzimesh”, shtoi ajo.

Udhëheqësja rajonale konservatore e Madridit, Isabel Diaz Ayuso, ndërpreu një udhëtim 10-ditor në Meksikë në fillim të këtij muaji, pasi provokoi tensione duke i bërë homazhe Cortes gjatë vizitës dhe duke thënë se Spanja kishte sjellë qytetërim, shpresë dhe gëzim në Amerikë.

Në shekujt 16 deri në 18, Spanja sundoi një nga perandoritë më të mëdha në botë që përfshinte pjesën më të madhe të Amerikës Latine, ku praktikonte punë të detyruar, shpronësim tokash dhe dhunë kundër popujve indigjenë.

Spanja do të përballet me Uruguain në ndeshjen e tretë të Grupit H më 26 qershor në Guadalajara, me Kepin e Gjelbër dhe Arabinë Saudite që plotësojnë grupin. Kjo do të shënojë ndeshjen e parë të Spanjës në tokën meksikane në një turne që do të organizohet gjithashtu nga Shtetet e Bashkuara dhe Kanadaja.