Mbyllja e tregut të fruta-perimeve në Vlorë, tregtarët sërish në protestë! Kërkojnë zgjidhje për vendin ku do të shesin

Edhe këtë të hënë, tregtarët në Vlorë janë ngritur sërish në protestë përpara Bashkisë pas mbylljes së tregut të frutave dhe perimeve.

Sipas raportimeve, mësohet se ata po kërkojnë zgjidhje për vendin se ku do të ushtrojnë aktivitetin, pasi tregu është mbyllur tashmë totalisht, duke u larguar prej andej edhe dyqanet.

Mbyllja e tregut erdhi në kuadër të një projekti rehabilitimi të zonës pranë Sahatit, pjesë e planit për rikualifikimin urban të qendrës së qytetit.