Mediat ruse: Moska dhe Beogradi e rrisin bashkëpunimin ushtarak
Rusia dhe Serbia e kanë konfirmuar sot interesin e tyre për ta zhvilluar bashkëpunimin ushtarak dhe sferat teknike ushtarake, kështu ka thënë sot ministri i Mbrojtjes i Rusisë, gjenerali i ushtrisë Sergei Shoigu, pas një takimi me homologun e vet serb, Zoran Djordjevic.
“Takimet tona të rregullta edhe një herë e konfirmojnë interesin tonë për të promovuar bashkëpunimin që është organizuar dhe po zhvillohet mes nesh në ushtri dhe në sfera teknike ushtarake,” ka thënë Shoigu, raporton agjencia e lajmeve e Rusisë, TASS, transmeton Express.
Më 6 mars do të mbahet një konferencë për siguri ndërkombëtare në Moskë.
Moska e sheh Beogradin si partner të besueshëm dhe vlefshëm, për të cilin Shoigu pohon se është duke i ruajtur principet themelore të sigurisë ndërkombëtare.
“Fatkeqësisht, bota nuk është duke u bërë më e qetë dhe më e qëndrueshme dhe ngjarjet e dekadave të fundit që kanë të bëjnë edhe me ‘revolucionet e ngjyrës’ dhe pushtimet e llojeve të ndryshme dhe rrëzimet e dhunshme të udhëheqësive të vendeve nuk çojnë drejt diçkaje të mirë,” ka shtuar ai.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.