Mediat ruse: Operatorët turistikë shqiptarë po përpiqen të “tundojnë” rusët që kanë braktisur Turqinë

Operatorët turistike shqiptarë duket se po përpiqen që, nëpërmjet edhe ndihmës së nevojshme të qeverisë, të tërheqin turistët rusë drejt vendit të tyre, sidomos pas ndodhive të këtyre të fundit me Turqinë. Kështu shkruan media ruse RT, duke e cilësuar Shqipërinë si një “Turqi e re” dhe që raportojnë që operatorët turistike kanë nisur me promocionet e tyre që tani.
Përmes një interviste, kreu i Operatorëve Rusë Dmitry Gorin thotë që tërheqja e turistëve rusë do të jetë një sfidë e fortë për Shqipërinë, duke qenë se një pjesë e tyre kanë nisur prenotimet që tani në vendet fqinje si Mali i Zi dhe Greqia.

Ai shton se Shqipërisë i duhet ti motivojnë turistët rusë që të shkojnë në atë vend të vogël, duke qenë se një ndër pengesat është edhe mungesa e fluturimeve direkte Moskë-Tiranë. Ndërsa për pjesën e çmimit të biletës, ai thotë që shkon rreth 300 dollarë, që në vetvete nuk është problem për një pjesë të madhe të turistëve rusë.

z. Gorin shton në intervistën e dhënë për RT që shteti shqiptar ka kapacitete që të akomodojë jo më shumë se 8000 njerëz, por që rusët ishin mësuat me formatet e njohura turke “të gjitha të përfshira”.
Resortet më tërheqëse që ai përmend janë ata në Sarandë, Dhërmi, Himarë, Durrës, Shëngjin, Ksamil dhe Vlorë. Sa I përket çmimeve, duke iu referuar hoteleve në jug të vendit, ai tha se mesatarisht çmimet variojnë me 700 dollarë/java për akomodimin, përfshirë vetëm mëngjesin.