Mediu në SPAK/ Ish-Ministri i Mbrojtjes thirret për dosjen e kompleksit “Partizani”
Dy politikanë dolën para SPAK si persona që duhet të jepnin shpjegime për dosjet nën hetim. Ish Ministri Fatmir Mediu në cilësinë e deklaruesit u pyet për gati dy orë mbi çështjen e kallëzuar nga Taulant Balla, i cili kërkoi hetime ndaj ish kryeministrit Sali Berisha, dhëndrit të tij dhe ish-ministrit Arben Imami, lidhur me kompleksin sportiv “Partizani”
Hetimi i regjistruar për shpërdorim detyre synon të hedhë dritë mbi privatizimin e kompleksit Partizani, dikur në varësi të Ministrisë së Mbrojtjes.
“Isha dhe dhashë shpjegime si deklarues për një dosje”- tha Fatmir Mediu
Pas tij në SPAK për të njëjtën çëshje si deklarues ishte edhe Gazmend Oketa, ish ministër mbrojtjeje, pas doreheqjes e Fatmir Mediut.
Në muajin nëntor mbushen dy vjet nga denoncimi për privatizimin e kompleksit Partizani. Por SPAK thotë se nuk ka vendosur ende se kur do ta thërrasë ish kryeministrin Sali Berisha, si njëri nga personat e kallëzuar në këtë çështje. Kjo e dhënë konfirmohet nga kryeprokurori i SPAK , Arben Kraja.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.