Meksikë, banda kriminale merr përsipër vrasjen e 43 studentëve

Një bandë kriminale në Meksikë ka marrë përsipër autorësinë e zhdukjes së 43 studentëve të cilët sipas tyre më pas i kanë vrarë dhe më pas u kanë djegur eshtrat.

Prokurori i përgjithshëm i Meksikës, Murillo Karam, ka thënë se do të jetë e vështirë të identifikohen mbetjet e djegura dhe se autoritetet do të vazhdojnë t’i konsiderojnë studentët të zhdukur derisa testet e ADN-së të konfirmojnë identitetin.

Karem i ka bërë këto komente gjatë një takimi me të afërmit e studentëve të zhdukur në Çilpançingo, kryeqytetin e rajonit të dhunshëm të Guereros.

Autoritetet janë në kërkim të studentëve që kurse banda e armatosur, e lidhur me policinë, ka sulmuar autobusët e tyre në qytetin Iguala, më 26 shtator.