METEO – Zjarr masiv në pyjet e Holandës, evakuohen 300 pushues

AMSTERDAM, 3 gusht /ATSH-DPA/- Një zjarr masiv ka përfshirë një zonë të pyllëzuar në lindje të Holandës, pranë kufirit me Gjermaninë, njoftuan sot shërbimet e emergjencës.

Zjarrfikësit janë angazhuar në rezervatin natyror “De Rosmolen”, pranë fshatit Ostrum, për të vënë nën kontroll flakët dhe për të parandaluar përhapjen e mëtejshme të zjarrit.

Kolona të mëdha tymi janë ngritur mbi zonën pyjore, që ndodhet mes qyteteve Venlo dhe Nijmegen.

Një kamping me rreth 300 pushues është evakuuar për shkak të ndotjes së ajrit nga tymi.

Transporti hekurudhor mes Nijmegen dhe Venray është ndërprerë, pasi zjarrfikësit po punojnë pranë shinave të trenit.

Forcat zjarrfikëse kanë krijuar një brez mbrojtës në pyll, për të ndalur përhapjen e flakëve, ndërsa ushtria holandeze ka dërguar një helikopter për shuarjen e zjarrit. /