Michael Douglas: Në ditët e sotme, e vështirë të jesh hebre

Për aktorin Michael Douglas, në ditët e sotme është e rrezikshme të jesh hebre. Këtë deklaratë ai e ka bërë teksa ka folur për një ngjarje ku u përfshi djali i tij.

Dylan Douglas u bë viktimë e fyerjeve antisemite kur ishte me pushime në Evropë, për shkak të yllit me gjashtë cepa të Davidit që mbante në qafë.

“Im bir është me fat që jeton në një vend ku antisemitizmi është i rrallë, por duhet të mësojë të nuhasë rrezikun me të cilin hebrenjtë duhet të përballen”, ka deklaruar Douglas.

Në një intervistë për “LA Times”, aktori ka vlerësuar përpjekjet e Papa Françeskut për stabilizimin e marrëdhënieve mes katolikëve dhe hebrenjve.