Ministri Gonxhja inspekton plazhin e Jalës dhe Dhërmiut

Ministri Blendi Gonxhja ka inspektuar plazhin e Jalës dhe Dhërmiut në fillim të sezonit të plazhit

Gonxhja u shpreh se ka ende punë për t’u kryer nga subjektet vendore për sezonin veror.

“Nga inspektimi në Jalë e Dhërmi ku ka ende punë e sistemime për t’u kryer nga subjektet dhe entet vendore që të jemi gati për sezonin e plazhit dhe për një ambient sa më të rregullt estetikisht por dhe të pastër e në standard higjene. Stacionet e plazhit, mjetet lundruese, molet dhe pontilet, plazhi publik i menaxhuar apo i liré, strukturat akomoduese apo të shërbimit, sëbashku me vrojtuesit dhe profesionistët e licensuar, janë në vëmendjen e organeve të inspektimit, AKB, bashki, forcat e rendit dhe kufirit”

Gonxha theksoi se po koordinohet angazhimi me pastrimin dhe me formalizimin e aktiviteteve të lidhura me tërë vijën bregdetare.

“Ndërsa jemi në përmbyllje të procesit të aplikimeve për stacione plazhi dhe në përpunimin e kontratave të reja të miratuara për vitin 2026 e në vijim, po koordinojmë angazhimin me pastrimin dhe me formalizimin e aktiviteteve të lidhura me tërë vijën bregujore”, tha Gonxhja.

/tvklan.al